ਕੱਲ ਦੁਨੀਆਂ ਭਰ ਦੇ ਨਾਲ ਨਾਲ, ਮੈਟਰੋ ਵੈਨਕੂਵਰ ਵਿਚ ਵੀ ਦੀਵਾਲੀ ਦਾ ਤਿਓਹਾਰ ਬਹੁਤ ਧੂਮ ਧਾਮ ਨਾਲ ਮਨਾਇਆ ਗਿਆ। ਇਸ ਦੌਰਾਨ ਵੱਖ ਵੱਖ ਗੁਰਦਵਾਰਿਆਂ ਅਤੇ ਮੰਦਰਾਂ ਵਿਚ ਲੋਕਾਂ ਦੇ ਵੱਡੇ ਵੱਡੇ ਇਕੱਠ ਹੋਏ, ਜਿਸ ਦੌਰਾਨ ਊਨਾ ਨੇ ਆਪੋ ਆਪਣੀਆਂ ਧਾਰਮਿੱਕ ਰਹੁ ਰੀਤਾਂ ਅਨੁਸਾਰ ਦੀਵਾਲੀ ਦਾ ਤਿਓਹਾਰ ਮਨਾਇਆ। ਕੋਵਿੱਡ-19 ਮਹਾਂਮਾਰੀ ਦੇ ਪ੍ਰਕੋਪ ਤੋਂ ਬਾਅਦ ਸ਼ਾਇਦ ਇਹ ਪਹਿਲਾ ਮੌਕਾ ਸੀ, ਜਦੋਂ ਲੋਕਾਂ ਨੇ ਮਹਾਂਮਾਰੀ ਦੇ ਸਮੇਂ ਤੋਂ ਪਹਿਲਾਂ ਵਾਂਗ, ਖੁੱਲਕੇ ਜਸ਼ਨ ਮਨਾਏ, ਜਿਸ ਦੀ ਉਹ ਬਹੁਤ ਸ਼ਿੱਦਤ ਨਾਲ ਊਡੀਕ ਕਰ ਰਹੇ ਸਨ।